„Законот за употреба на македонскиот јазик, како закон кој допрва треба да се изгласа, ќе предизвика промени и усогласувања и на други закони, влучително и на законот за употреба на јазиците“ изјави министерката за култура, Бисера Костадиновска-Стојчевска во „24 анализа“ на ТВ24.
Таа додаде дека за тоа е веќе разговарано на Советот за македонски јазик при Министерството за култура и се разгледуваат и анализираат сите промени што ќе треба да се случат.
„Тука се промените за продолжување на стипендиите за македонистите, регулирањето на бројот на часови по македонски јазик на сите нивоа во образованието, па и на Законот за употреба на јазиците“ рече Костадиновска-Стојчевска.
Министерката исткна дека сите потребни усогласувања ќе се направат, а иницијативата за тоа веќе се подготвува.
