Музичарот Мирко Попов во интервју за „НоваТВ“ вели дека „во континуитет сме жртви на ретроградни мозоци, движења и сили“.
-Загрозувајќи ја европската иднина, ја загрозуваат и воопшто иднината на оваа држава како ентитет на солидно ниво на самоуправа. Нашите луѓе ги сфаќаат и државата и демократијата и слободата здраво за готово. Ме збунува и згрозува потполното отсуство на свест дека го живееме сонот на револуционерите кои го дале својот живот да го имаме ова што го имаме денес. Се колнеме во нив, а го газиме нивното дело. Неодговорни сме и прелесно дозволуваме да бидеме заведени од омраза, ретроградни сили и бесмислени перспективи. Мрзливи сме и недоветни. Такви размазени, прејадени, бушави, недоразбудени од пладневна дремка, се наоѓаме исправени пред сериозни предизвици, смета Попов.
Тој вели дека не гледа друго решение, освен да го задржиме и унапредуваме она што го имаме: својата држава.
-Ни треба пресврт. Европски пресврт, но претходно психички, духовен пресврт. Би морале да почнеме да се сакаме себе си. Другото само ќе си дојде, кажа Попов.
НАЈЧИТАНО НА ИНТЕРНЕТ...
