Знаеме дека чоколадото е храна за мозокот и го поттикнува расположението, а една нова студија откри некои од неговите други позитивни ефекти врз здравјето на луѓето.
Резултатите од истражувањето на Европското здружение за кардиологија, во кое учествувале повеќе од 336.000 луѓе, покажале дека ова слатко го намалува ризикот од срцеви заболувања. Но, тоа не значи дека можеме да јадеме чоколадо секој ден во неограничени количини.
„Резултатите од претходните истражувања покажаа дека чоколадото позитивно влијае на намалувањето на крвниот притисок, а сега сакавме да утврдиме дали спречува и некои болести“, вели авторот на студијата, д-р Чајакрит Кританавонг и додава:
„Ги анализиравме резултатите од шест студии во период од 50 години. Чоколадото содржи хранливи својства кои се добри за срцето како што се ксантин, полифенол и стеаринска киселина.
