Од Центарот за македонски јазик во Грција велат дека во земјата и де факто е признато македонското говорно население, со фактот што месецов Центарот и официјално е регистриран како невладина организација (НВО) од страна на судските власти во Грција.
Судската документација на грчките правосудни органи и официјално ја наведува организацијата со нејзиниот назив на македонски јазик – при тоа користејќи го и македонското кирилично писмо.
Сакаме да нагласиме дека во случајов станува збор за прва невладина организација во Грција, која директно ќе се грижи за македонскиот јазик и која законски е регистрирана од страна на грчките државни органи. Овој чин претставува де факто признавање на македонското говорно население во Грција, велат од Центарот за македонски јазик.
Барањето за регистрација на организацијата беше одобрено од страна на судот на 28 јули 2022 година, додека одлуката беше објавена во Билтенот за судски одлуки и публикации на 7 ноември 2022 година.
НАЈЧИТАНО НА ИНТЕРНЕТ...
