Синоптичарите излегоа со прогноза: Доаѓа студена воздушна маса – Какво време да очекуваме денеска?

Наутро студено со услови за појава на магла по одделни котлини. Преку денот умерено до значително облачно. Ќе дува слаб до умерен ветер од северен правец.

Во Скопје претежно облачно со слаб до умерен ветер од северен правец.

Од денес под влијание на студена воздушна маса времето ќе биде претежно облачно со опаѓање на температурата на воздухот. Ќе има повремени врнежи, кои заради заладувањето утре попладне и во текот на ноќта кон понеделник ќе бидат пообилни и ќе преминуваат во снег на повисоките и во некои од пониските места. На планините и на повисоките места ќе се формира снежна покривка, особено во западните делови.