Приведен крадец во Струга, одземеното вратено на сопствениците

Денеска (20.10.2022) во 09.00 часот во Струга, полициски службеници од ОВР Струга лишиле од слобода малолетник од Струга. Тој се сомничи дека извршил кривични дела „кражба“ во канцеларија во Општинa Струга и во продавница за мобилни телефони на улицата „Пролетерски бригади“ во Струга.

Одземените предмети биле пронајдени и вратени на сопствениците. Малолетникот бил задржан во полициска станица и во присуство на неговите родители со него ќе биде извршен службен разговор. За случајот ќе биде известен и Центарот за социјални работи од Струга. По негово целосно документирање, во координација со Јавен обвинител, против него ќе биде поднесена соодветна пријава.