Важно е навреме да сфатите дека имате проблем со замастен црн дроб.
Замастен црн дроб е се почест здравствен проблем кај луѓето.
Оние кои страдаат од оваа состојба треба да ја регулираат исхраната за да избегнат цироза на црниот дроб.
Симптомите на замастен црн дроб не се лесно забележливи, а на самиот почеток на болеста практично нема никакви симптоми.
Само кога ќе се појават симптоми, болеста се развива прогресивно и најчесто е во фаза на цироза.
Сепак, постои еден симптом кој никогаш не би го поврзале со црниот дроб, што всушност е сигнал дека овој орган страда. Чешањето на стапалата и дланките може да укажува на замастен црн дроб, предупредуваат експертите од Клиниката во Кливленд. Според лекарите, силно чешање поврзано со безалкохолно масно заболување на црниот дроб често се влошува доцна навечер.
Освен чешање на стапалата и дланките, има и непријатност и болка во стомакот, како и чувство на ситост во горниот десен дел од желудникот, тврдат стручњаците. Оваа болест се карактеризира со формирање на масни наслаги во црниот дроб и може драстично да го комплицира здравјето на пациентот.
Лекарите заклучиле дека дебелите луѓе се склони кон безалкохолни масни заболувања на црниот дроб. Доколку оваа дијагноза веќе постои, потребно е да се води сметка за исхраната и да се намали внесот на калории.
Исто така, важно е да се знае дека трајното оштетување на црниот дроб на крајот може да доведе до цироза, а потоа и до откажување на овој орган, што е исклучително опасно, а многу е важно навреме да ги забележите симптомите и да се консултирате со лекар.
