Шпанија се смета за една од најпопуларните туристички дестинации, особено во лето. Позната и како земја на сонцето, неодамна не изненади со одредени „закони“, а еден од нив сега важи и за туристите кои сакаат да се релаксираат на плажа.
Имено, градот Виго на северозападниот брег на Шпанија, се наоѓа на само 35 километри од Португалија и затоа е прифатлива дестинација за одмор за многумина во оваа земја. Сепак, тој сега воведе правила кои можеби нема да им се допаднат на оние кои планирале да го посетат.
Градскиот совет на Виго донесе закон со кој се забранува вршење на мало мокрење на море или на плажа, што ќе биде казнет со парична казна од 750 евра за секој што ќе биде фатен на тоа.
Според новите правила, тие го прогласија јавното мокрење на плажите за „прекршување на хигиенските и санитарните прописи“, а иако не објаснија како имаат намера да ги следат капачите и туристите на локалните плажи, тие посочија дека ќе постават јавни тоалети како уште една мерка за борба против овој проблем.
Но, тоа не е единственото нешто што туристите нема да имаат можност да го прават на плажите. Со истиот потег, советот на Виго забрани употреба на сапун и шампон во морето, како и миење садови во морска вода.
