Во тек силно невреме во скопската котлина – УХМР објави мапа и предупредување

Моментална состојба: Скопската Котлина зафатена со нестабилна облачна маса проследена со пороен дожд, грмежи и засилен ветер, објави УХМР.

До сабота ќе се задржи променливо облачно и нестабилно време, на повеќе места со пороен дожд и грмежи. Локално процесите ќе бидат во форма на невреме со интензивен пороен дожд (за кратко време поголема количина воден талог), силни електрични празнења, засилен ветер и појава на град.

Утре се очекуваат пообилни количини воден талог, а дневната температура ќе опадне за неколку степени. Од недела ќе има постепено стабилизирање на времето со пораст на температурата. И во Скопската Котлина ќе биде нестабилно со пороен дожд, грмежи и засилен ветер, повремено во форма на невреме.