Чоколадото и кикиритките се совршен пар.
Не е чудно што оваа комбинација на вкусови може да се најде во многу десерти, како и во оваа торта која многу лесно се подготвува.
Состојки:
220 гр брашно
200 гр кафеав шеќер
200 гр бел шеќер
225 мл матеница
150 ml растително масло
120 ml топла вода
115 гр стопен путер
75 g темно какао во прав
2 големи јајца
2 лажички екстракт од ванила
1,5 лажички сода бикарбона
За фил:
750 гр шеќер во прав
500 гр путер од кикирики
450 гр омекнат путер
2 лажички екстракт од ванила
2-4 лажици млеко
Подготовка:
Загрејте ја рерната на 180 степени. Сувите состојки за бисквит добро измешајте ги во еден сад: брашно, шеќер, какао и сода бикарбона. Додадете ги јајцата, маслото, растопениот путер и екстрактот од ванила и убаво измешајте. Смесата ќе биде многу густа.
Постепено се става во смесата матеницата. На крајот ставете ја топлата вода и убаво измешајте. Смесата поделете ја на два дела и ставете ја во претходно подмачкан калап за колачи.
Ставете да се пече во загреана рерна на 180 степени околу 20 до 25 минути. Користете чепкалка за да бидете сигурни дека бисквитот е испечен пред да го извадите од рерна.
Изладете ги бисквитите пред да ги премачкате со филот.
За филот: измешајте обичен путер и путер од кикирики и изматете ја мазната смеса со миксер. Постепено додавајте шеќер во прав додека не добиете еднолична смеса. Додадете екстракт од ванила и млеко и сè добро измешајте.
Изладените бисквити пресечете ги на половина по ширина. Помеѓу секој слој од печениот бисквит намачкајте го кремот и ставете ги еден врз друг. Тортата ставете ја во фрижидер да се стегне пред да ја послужите. Украсете со печени парчиња кикирики.
