„Не би сакале да дискутираме и да се врзуваме со рокови, бидејќи тоа не ни донесе успех досега. Видливо е дека има волја тоа да биде брзо. Нам ни е важно да имаме суштински резултати и секако не ни е во интерес да губиме време“ кажа вицепремиерот Бојан Маричиќ во „360 степени“ на Алсат.
Тој додаде дека и европските институции сметаат дека земјава веќе требаше да ја одржи првата Меѓувладина конференција и општиот впечаток е дека нема време за губење.
„Ние сме претпазливи и рационални оптимисти. Доброто е што и Француското претседателство е заинтересирано за Западниот Балкан и за разговорите меѓу Северна Македонија и Бугарија“ кажа Маричиќ.
Тој додаде дека Владата работи отворањето на претововите да се случи сега, но сепак фокусот не е на роковите, туку на суштината на проблемите.
НАЈЧИТАНО НА ИНТЕРНЕТ...
