Заев направи добро што не се повлече. Ова го кажувам како дел од актуелното мнозинство. Не треба да се води од моментални емоции, изјави вечерва претседателот на Собранието, Талат Џафери во емисијата „Клик плус“.
Според него, премиерот не треба да носи емотивни одлуки, затоа што има одговорност да ја води Владата.
-Има седница закажана во четврток. Седницата мора да има епилог. Епилогот може да биде, се гласа недоверба – паѓа Владата, не се гласа недоверба – не паѓа Владата. После тоа наредните 90 дена не може да има повторно гласање на недоверба. Затоа е даден рок од 90 дена. Процедурата е отпочната, ако се повлече сега барање за гласање на недоверба на Влада, нема право наредните 90 дена за повторно барање за гласање на недоверба, вели Џафери во однос на закажаната интерпелација на владата во четврток.
ПОПУЛАРНО НА ИНТЕРНЕТ...
