Одговори на новинарски прашања, Костадин Костадинов, портпарол и пратеник на СДСМ
Прашање: Во Собрание влезен е законот за зелената такса по скратена постапка, но се уште не е распределен по комисии, на седница ќе треба да се утврди потребата од негово донесување, но опозицијата, значи и ВМРО-ДПМНЕ и Алијанса и Алтернатива најавуваат дека ќе го блокираат овој закон, велат дека не е всушност еколошка мерка туку за враќање на долгови кои што биле направени во времето на СДСМ. Што вие како владејачка гарнитура ќе направите? Ова е најава за нова блокада
Одговор: Добро, навистина и мене, но и граѓаните би не изненадило ако ВМРО-ДПМНЕ нешто не блокира во рамки на Собрание така што сите сме свесни, можеме да го видиме законот е во собраниска процедура, станува збор за еколошка такса преку која што државата ќе прибере речиси 60 милиони евра кои што ќе бидат инвестирани во еколошки инвестиции, во поздрава животна средина и навистина не гледам зошто би имале тука против ВМРО-ДПМНЕ.
Но, како што кажав, тие ги блокираа шесте економски пакети на мерки наменети за Ковид кризата, за граѓаните поддршката, го блокираат и бојкотираат законот за изградба на нов Клинички центар, блокираат и низа други закони преку кои што граѓаните би добиле некаков бенефит. Така што, не ме зачудува воопшто најавата за блокади на едно такво решение, нека продолжат слободно ВМРО-ДПМНЕ да блокираат и да бојкотираат. Единствено нешто кое што може да го порачам е баш таквиот бојкот и блокади држи и ќе ги држи уште долго време ВМРО-ДПМНЕ затворени и изолирани во белата палата.
Прашање: Но, ако има илјадници амандмани законот нема да може да се донесе, што ќе направите?
Одговор: Секако, останува да видиме, согласно процедурите, согласно Деловникот да се отвори Законот во рамки на комисијата, не е проблем ние да разговараме, ќе повторам и ќе потврдам уште еднаш дека станува збор за закон преку кој што државата ќе земе 60 милиони евра наменети за инвестиции во екологијата, во животната средина. Тоа е бенефит за државата, тоа е бенефит за граѓаните. Ќе повикам уште еднаш на разум кај ВМРО-ДПМНЕ, јас сакам да верувам навистина дека во пратеничката група на ВМРО-ДПМНЕ има пратеници кои што размислуваат барем малку за граѓаните и за државата и ќе сторам се за да ги охрабрам таквите поединци во ВМРО-ДПМНЕ да дадат поддршка на овој закон.
