Многу студен воздушен бран и снег ја зафатија Македонија – Метеоцентар со информација кога да очекуваме затоплување

Под влијание на влажен и многу студен воздушен бран и денес ќе има врнежи од снег, особено претпладне и во јужните делови.

Снежната покривка дополнително ќе се зголеми. До среда утринските температури во најголем дел од земјава ќе бидат под -10, а на места и под -15 степени.

Дневните температури генерално ќе се задржат под нулата. Во овие денови ќе има опасност од голомразица. Од четврток следува постепено затоплување.

Прогноза за 16.02.2021
Минимална температура: -16°C до -7°C
Максимална температура: -6°C до 0°C
Претежно сончево и студено. Ќе дува слаб до умерен северен ветер, кој вдолж Повардарието краткотрајно ќе засилува.

Прогноза за 17.02.2021
Минимална температура: -18°C до -9°C
Максимална температура: -6°C до 2°C
Утрото многу студено. Преку денот сончево со умерена облачност, а кон крај на денот на места значително облачно. Ќе дува слаб променлив ветер.

Прогноза за 18.02.2021
Минимална температура: -12°C до -5°C
Максимална температура: -2°C до 7°C
Наутро значително облачно со слаб локален снег. Преку денот умерено облачно и потопло во однос на претходните денови. Ќе дува слаб до умерен северен ветер.