Собраниските координатори постигнале договор опозициските пратенички прашања повторно да бидат поставени во рамките на 130. пленарна седница. Информацијата попладнево ја соопшти претседателот на Собранието, Африм Гаши.
Одлуката следува по несогласувањата околу одржувањето на седницата за пратенички прашања, кои претходно предизвикаа остри реакции меѓу власта и опозицијата. Седниците за пратенички прашања се важен механизам преку кој пратениците бараат одговори од членовите на Владата за нивната работа и одлуките на институциите.
Гаши не прецизирал кога ќе се одржи повторената седница. По постигнатиот договор, пратениците ја продолжиле работата по другите точки од собранискиот дневен ред.
