На 25.10.2026 околу 02:00 часот во СВР Струмица било пријавено дека на магистралниот пат Струмица–Радовиш, во близина на с. Радичево, општина Василево, се случила сообраќајна несреќа помеѓу патничко возило „пежо“ со радовишки регистарски ознаки, управувано од 19-годишник од с. Злеово, радовишко, и патничко возило „мицубиши“ со струмички регистарски ознаки, управувано од 58-годишник од с. Добрејци, струмичко.
Од здобиените повреди на местото починал 58-годишниот возач, а лекар од Итна медицинска помош констатирал смрт. Во несреќата со телесни повреди се здобил 36-годишен сопатник во патничкото возило „мицубиши“ од с. Дабиле, струмичко.
Увид на местото извршиле јавен обвинител и екипа на СВР Струмица, при што било констатирано дека 19-годишниот возач бил под дејство на алкохол, односно му биле измерени 1,32 промили алкохол во крвта, по што е лишен од слобода.
По наредба на јавен обвинител, телото на починатиот е предадено на обдукција.
