Четири лица заразени со вирусот на Западен Нил починале во Грција, каде што до 29 јули биле потврдени вкупно 42 случаи.
Според објавените информации, приближно половина од пациентите развиле потешки невролошки симптоми. Вирусот најчесто се пренесува преку убод од заразен комарец.
Граѓаните што престојуваат во Грција треба да применуваат заштита од комарци, особено во вечерните часови и во подрачја со стоечка вода.
