Стејт департментот денес ги предупреди граѓаните на Соединетите Американски Држави ширум светот за зголемените безбедносни ризици поради растечките тензии на Блискиот Исток, оценувајќи дека ситуацијата останува сложена и дека постои можност за непредвидена ескалација.
На Американците кои моментално се наоѓаат во регионот им е советувано да бидат претпазливи и подготвени за можни прекини во патувањето, вклучително и откажувања на летови и привремено затворање на воздушниот простор.
Стејт департментот изјави на мрежата Икс дека некои авиокомпании во регионот го одложија обновувањето на претходните редовни линии, а дека други откажаа одредени линии.
Во соопштението се додава дека американските дипломатски објекти, вклучително и оние надвор од Блискиот Исток, биле цел на напади, како и дека Иран и групите поддржани од Техеран би можеле да претставуваат закана за други американски интереси во странство или локации поврзани со Соединетите Американски Држави и нивните граѓани, вклучително и компании и институции.
На граѓаните на САД надвор од регионот им е советувано да размислат за патување до и низ Блискиот Исток, а на оние кои планираат да патуваат им е советувано да проверат кај авиокомпаниите за статусот на нивните летови.
На патниците чии летови се засегнати од промените им се препорачува директно да ги контактираат превозниците за информации за евентуални промени./Извор:Makfax
