Голем топлотен бран ја зафати Европа, со температури над 35 степени во повеќе земји и милиони луѓе изложени на екстремна жештина. Централна и источна Европа се меѓу најпогодените региони, а властите предупредуваат на пожари, притисок врз електроенергетските системи и здравствени ризици.
Во Франција веќе е регистриран зголемен број смртни случаи поврзани со екстремните температури, особено кај повозрасното население. Здравствените служби апелираат на внимателност, избегнување изложување на сонце и зголемен внес на течности.
