Centar.mk
РЕГИОН

Објавени цените на лежалките во Црна Гора, се движат од 12 евра па нагоре

Сончевото време и пријатните температури веќе ги привлекоа првите туристи на црногорскиот брег. Закупците на плажите во Улцињ велат дека одењето на море оваа година не треба значително да го оптовари семејниот буџет и најавуваат дека цените, и покрај инфлацијата, ќе останат на нивото од минатото лето.

Цената за изнајмување сет лежалки ќе се движи од 12 до 20 евра. Закупецот на плажа Арти Режа за RTCG изјави дека нема да има зголемување на цените.

„Цените ќе бидат исти како и минатата година. Инфлацијата е висока, но токму затоа не смееме дополнително да ги зголемуваме цените. Комплет лежалки чини 12 евра, а покриен кревет на плажа чини 25 евра“, рече тој.

Халил Трума, закупец на плажа, има сличен став. „Чадор за сонце и две лежалки ќе чинат 18 евра оваа година, исто како и минатата година. Закупците на плажата сè уште не одржале состанок за цените, но ќе мора да утврдиме минимална цена, веројатно околу 20 евра“, рече тој.

Според неговата проценка, едно или две лица треба да издвојат околу 60 евра за целодневен престој на плажа./Извор:Makfax

Можеби ќе ве интересира

ГОЛЕМА ПОЛИЦИСКА АКЦИЈА ВО СРБИЈА – Уапсени шест лица, идентификувани и заштитени девет деца

ДЕСК

НЕОЧЕКУВАН МОМЕНТ НА ЕВРОПСКИОТ СОСТАНОК – Еди Рама го прегрна белгискиот премиер среде изјава за новинарите

ДЕСК

ХРВАТСКА СО НОВИ ПРАВИЛА ЗА ПОТРОШУВАЧКИТЕ КРЕДИТИ – Законските измени стапија во сила

ДЕСК