Земјотрес со интензитет од 5,8 степени според Рихтеровата скала го погоди островот Крит рано утрово, објавија локалните медиуми.
Земјотресот се случил околу 6:20 часот наутро, а епицентарот бил на длабочина од 10 километри, според ЕМСЦ.
Раководителот на Организацијата за планирање и заштита од земјотреси, Ефтимиос Лекас, изјави за ЕРТ дека земјотресот бил почувствуван низ целиот Крит, како и на островите Касос и Карпатос, додавајќи дека сè уште се чекаат точни податоци.
Заменик-гувернерот на Ласити, Јанис Андроулакис, рече дека земјотресот траел подолго и бил почувствуван низ источниот дел од островот, од Ситија до Хераклион, поради што службата за цивилна заштита е ставена во состојба на готовност.
Според извештаите, не е пријавена материјална штета, додека се регистрирани низа послаби потреси.
Очевидци рекоа дека земјотресот траел долго, дека ги разбудил и дека мебелот бил поместен./Извор:Makfax
