Centar.mk
МАКЕДОНИЈА

Првиот заменик-претседател на Владата Беким Сали оствари средби со бизниси од дијаспората во Леверкузен

Леверкузен, Германија – Првиот заменик-претседател на Владата на Република Северна Македонија и министер за европски прашања, г. Беким Сали, за време на неговиот престој во Леверкузен, денес оствари средби со неколку успешни компании од нашата дијаспора.
Во рамките на овие средби, тој ги посети компаниите PEVALIT/PEVAPOR, A&F Baustoffhandel, Miftari Dämm-Flex GmbH и R&R Invest GmbH, кои претставуваат успешни примери на претприемништво на нашите иселеници на меѓународните пазари.

За време на средбите се разговараше за можностите за продлабочување на економската соработка, проширување на инвестициите и зајакнување на врските помеѓу дијаспората и домашната економија.

Заменик-претседателот Сали истакна дека Владата останува посветена на создавање поволна инвестициска клима, со посебен фокус на поддршка на дијаспората, која ја смета за стратешки партнер во економскиот развој на државата.

Тој подвлече дека искуството и капиталот на дијаспората претставуваат значаен потенцијал за економски раст и забрзување на европската интеграција на државата.

фото: Кабинет на министерот за европски прашања

Можеби ќе ве интересира

ОКОЛУ 120 ЖЕНИ ГОДИШНО ЗАБОЛУВААТ ОД РАК НА ГРЛОТО НА МАТКАТА – Лекарите со важен апел за превенција

ДЕСК

СИЛЕН ВЕТЕР НАД 80 КМ/Ч, ДОЖД И ТЕМПЕРАТУРИ ДО 24 СТЕПЕНИ – УХМР најавува невообичаено топло време до петок, од сабота заладување

ДЕСК

„НАСИЛСТВОТО ВРЗ ЖЕНИТЕ СТАНУВА ЕПИДЕМИЈА“ – Сиљановска-Давкова најави средба со институциите

ДЕСК