По повод денот посветен на елиминацијата на ракот на грлото на матката, здравствените работници во Македонија повторно ја истакнаа важноста на вакцинацијата против хуман папилома вирусот и редовните превентивни прегледи.
Според информациите презентирани од медицинските експерти, во земјава годишно се регистрираат приближно 120 заболени жени, а значителен дел од случаите завршуваат со смртен исход.
Лекарите нагласуваат дека вакцината против ХПВ е важна превентивна мерка и за девојчињата и за момчињата. Се апелира родителите да се информираат преку матичните лекари и вакциналните пунктови за препорачаната возраст и достапноста на вакцинацијата.


