Американскиот претседател Доналд Трамп вчера му рече на Џонатан Карл од „Еј-Би-Си њуз“ дека не е загрижен за поразот на Орбан во Унгарија и дека му се допаѓа новоизбраниот премиер Петер Маѓар.
„Мислам дека новиот човек ќе заврши добра работа, тој е добар човек“, му рече Трамп на новинарот.
Тој додаде дека не знае дали би имало некаква разлика ако тој отидеше во Унгарија наместо потпретседателот Џ.Д. Венс да води кампања за Орбан.
„Не бев толку вклучен во ова“
„Тој беше многу зад. Не бев толку вклучен во ова. Виктор е добар човек“, рече тој.
Трамп го поддржа Орбан во периодот пред гласањето, дури и кратко зборуваше на предизборен митинг во Унгарија минатата недела, кога Венс го повика својот шеф откако тој излезе на сцената.
Но, Орбан ја изгуби власта по 16 години, бидејќи Унгарците гласаа во рекорден број за проевропскиот курс предводен од неговиот ривал од централно-десничарската партија Петер Маѓар./Извор:Makfax
ПОПУЛАРНО НА ИНТЕРНЕТ...
