Портпаролот на кинеското Министерство за надворешни работи, Лин Џиан, изјави дека „убивањето на иранските лидери и нападите врз цивилни цели се неприфатливи“ и додаде дека Кина секогаш е против употреба на сила во меѓународните односи.
Запрашан да коментира за убиството на Али Лариџани, секретарот на Врховниот совет за национална безбедност на Иран, во израелските напади, и извештаите дека израелскиот министер за одбрана Израел Кац тврдел дека тој и премиерот Бенјамин Нетанјаху ги овластиле ИДФ да елиминираат кој било висок ирански функционер без потреба од дополнително одобрение, Џиан рече:
„Кина е шокирана од таквото тврдење. Ние постојано се спротивставуваме на употребата на сила во меѓународните односи. Убивањето на иранските државни лидери и нападите врз цивилни цели се уште понеприфатливи“, додаде Лин.
Лин рече дека војната во моментов беснее на Блискиот Исток, а тензиите ескалираат и се прелеваат.
„Брз прекин на огнот и прекин на непријателствата е заедничка аспирација на меѓународната заедница. Кина ги повикува засегнатите страни веднаш да ги прекинат воените дејствија и да спречат регионалната ситуација да излезе од контрола“, рече Лин./Извор:Makfax
