Есмаил Багеи, портпарол на иранското Министерство за надворешни работи, на прес-конференција изјави дека во моментов нема простор за разговори за прекин на огнот.
„Додека нападите продолжуваат, нема смисла да се зборува за ништо друго освен за одбрана и одмазда против непријателот“, рече Багеи како одговор на прашање за можноста за прекин на огнот.
Американскиот претседател Доналд Трамп минатата недела изјави дека иранските лидери му се јавуваат и го прашуваат како да се склучи договор, но додаде дека им рекол дека е предоцна. Подоцна рече дека војната ќе заврши само во случај на безусловно предавање на Иран.
Иран одговори на нападите меѓу САД и Израел со одмазднички напади низ целиот регион. Но, Багеи денес негираше дека иранската војска започнала напади од иранска територија врз Азербејџан, Турција и Кипар./Извор:Makfax
