На 20.12.2025 година во 05:35 часот во ОВР Кочани било пријавено дека на локалниот пат помеѓу селата Оризари и Прибачево, кај место познато како „Бели бандери“, патничко возило фолксваген голф со кочански регистарски ознаки излетало надвор од коловозот.
Возилото било управувано од 25 годишен жител на село Прибачево. Во сообраќајната несреќа со тешки телесни повреди се здобил 25 годишен сопатник од истото село, како и уште двајца малолетни сопатници. Со телесни повреди се здобил и возачот.
Повредите биле констатирани во Општата болница Кочани. Кај возачот било утврдено присуство на алкохол во крвта од 1,39 промили.
Увид на местото на настанот извршила увидна екипа од ОВР Кочани.
