На 05 декември 2025 година во 16:50 часот во Одделението за внатрешни работи Кавадарци било пријавено дека на улица „Шишка“ во Кавадарци, патничко возило „Фиат“ со кавадаречки регистарски ознаки, управувано од 50-годишен жител на Кавадарци, удрило во 52-годишна жена од село Марена, кавадаречко.
Во сообраќајната несреќа, жената се здобила со тешки телесни повреди, констатирани во Општата болница во Кавадарци. Извршен бил увид од увидна екипа на Одделението за внатрешни работи Кавадарци.
