Во два одделни случаи во Берово и делчевскиот регион, полициски службеници лишиле од слобода двајца возачи поради управување возило под дејство на алкохол.
На 20 ноември 2025 година, нешто по полноќ, на улицата „Страшо Пинџур“ во Берово бил запрен автомобил марка „ауди“ со локални регистарски таблички. При контрола било утврдено дека возачот управувал со 1,94 промили алкохол во крвта. Возилото било веднаш исклучено од сообраќај, а возачот задржан во полициската станица.
Во вториот случај, на 19 ноември 2025 година, во близина на селото Град, делчевско, полициски службеници интервенирале по излетување на возило „ауди“ од патот. По преземените мерки било утврдено дека возачот имал 1,77 промили алкохол во крвта.
По целосно документирање на двата настани, против возачите ќе биде поднесена соодветна пријава по член 297-а од Кривичниот законик – „безобѕирно управување со моторно возило“.
