Турски воен товарен авион Ц-130 со најмалку 20 лица на борд се урна во Грузија, веднаш по полетувањето од Азербејџан.
Според првичните информации, властите потврдија дека има жртви, но точниот број засега не е соопштен. На местото на несреќата веднаш се испратени екипи за спасување и итни служби.
Претседателот на Турција, Таип Ердоган, го прекина својот говор во Анкара за да изрази сочувство на семејствата на настраданите, нарекувајќи ги „маченици“ — збор што традиционално го користи за загинати војници во извршување на должноста.
Од неговата канцеларија и од турското Министерство за одбрана засега нема официјални информации за причината за падот на авионот, ниту за точниот број на загинати или преживеани.
Локалните медиуми јавуваат дека во авионот имало турски и азербејџански војници, а истрагата е во тек.
ПОПУЛАРНО НА ИНТЕРНЕТ...
