Просечната месечна исплатена нето-плата по вработен, во август 2025 година, изнесува 45 310 денари, соопшти ДЗС.
Во август 2025 година, во однос на август 2024 година, просечната месечна исплатена нето-плата по вработен е повисока за 10.3 %.
Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Дејности на здравствена и социјална заштита за 14.6 %, Образование за 14.5 % и Административни и помошни услужни дејности за 14.1 %.
Зголемување на просечната месечна исплатена нето-плата по вработен, во однос на претходниот месец, е забележано во секторите: Уметност, забава и рекреација за 5.2 %, Објекти за сместување и сервисни дејности со храна за 4.7 % и Рударство и вадење на камен за 4.5 %.
Да потсетиме дека повеќе месеци од месец во месец има намалување на просечната плата, па така во мај истата изнесуваше 45 796 денари, па во јуни и јули продолжи да паѓа беше 45 468 денари за јуни односно 45 276 денари за јули.
Во август пак просечната месечна исплатена бруто-плата изнесува 68 180 денари.
