Регулаторната комисија за енергетика и водни услуги (РКЕ) донесе нова одлука со која се намалуваат малопродажните цени на горивата. Според најновите пресметки, бензините поевтинуваат за половина денар, а дизелот и екстра лесното масло за домаќинство се поевтинуваат за еден денар по литар.
Нови цени на бензините
Со оваа одлука, малопродажната цена на ЕУРОСУПЕР БС-95 изнесува 74,00 денари за литар, додека цената на ЕУРОСУПЕР БС-98 е 76,00 денари за литар.
Намалување и кај дизелот
Цената на ЕУРОДИЗЕЛ (Д-Е V) се намалува на 67,50 денари за литар. Истовремено, граѓаните ќе плаќаат пониска цена и за екстра лесното масло за домаќинство (ЕЛ-1), која од сега изнесува 67,00 денари за литар.
Одлуката важи од 19 август
Намалувањето се прави врз основа на одлуката за утврдување на највисоки малопродажни цени на нафтените деривати и горива за транспорт донесена на 18 август 2025 година, и важи за следниот ценовен период.
ПОПУЛАРНО НА ИНТЕРНЕТ...
