Филипче: Власта не дозволува јавна дебата во парламентот, даваме предлози за минимална плата и намалување на ДДВ, но ги одбиваат

Според претседателот на СДСМ Венко Филипче, владејачкото мнозинство не дозволува јавна дебата во парламентот.

– Даваме предлог закон за минимална плата, се одбива. Даваме предлог за зголемување на платите во приватниот сектор со замрзнување на придонесите, се одбива, не можеме да го дебатираме, рече Филипче, во емисијата Политиканти.

-Даваме предлог да се намали ДДВ-то на струјата од 18 на 5 проценти, на храната од 5 на нула проценти. Не може дебата да има, додаде претседателот на СДСМ.