Генералниот секретар на СДСМ Александар Димитријевиќ во емисијата Трилинг истакна СДСМ како и граѓаните бара неселективна правдаа за трагедијата во Кочани.
-Ние бараме тотално неселективна правда за Кочани. Поддржуваме отворање и на сите други случаи што се во интерес на јавноста. Треба сите да се обединиме без партиски препукувања, порача генералниот секретар на СДСМ Александар Димитријевиќ во емисијата Трилинг.
Средбата меѓу претседателот на СДСМ Филипче и премиерот Мицкоски произлезе како јасен сигнал од граѓанството, додаде Димитријевиќ.
-Граѓаните сакаат, очекуваат да видат сериозни реформи во сите сегменти во државата после трагедијата во Кочани. За жал се отвори една сериозна тема за нефункционалниот систем и лидерската средба, којашто ја побара претседателот Филипче беше резултат на слушање на гласот на граѓаните, дека треба да се седне на една маса и да се постават цели, еден правец по којшто ќе се движи државата. Тоа во одреден момент се реформи, во одреден момент болни резови коишто треба да ги направиме, но сите сме свесни дека тоа мора да го направиме се со цел системот да профункционира. рече Димитријевиќ.
Тој додаде дека тука не станува збор за некакво политичко пазарење, ниту за било што во тој правец, граѓаните очекуваат реформи во сите сегменти.
