Интегрален текст од денешната прес-конференција на Методија Илиевски, потпретседател на СДСМ:
Почитувани граѓани,
Тешката трагедија во Кочани што ја потресе целата држава и во кој трагично го загубија животот 59 млади луѓе, а над 200 беа повредени – ѓи разоткри пропустите во институциите но и колапсот на безбедносниот систем.
Затоа е потребна одговорност особено во врвот на МВР и БЈБ.
Без селективност и без обиди да се заобиколат оние кои што имаат најголема одговорност.
Нешто не е во ред со безбедноста во државата, а за тоа се молчи. Мора да има одговорност согласно законите, но и морална одговорност.
После катастрофалната трагедија во Кочани, продолжија серија на безбедносни инциденти.
И тоа : пукања со огнено оружје, убиства, сообраќајќи, прегазени луѓе на улиците, се нашето секојдневие.
-Пред само неколку дена вработена во прилепскиот Центар за социјални работи беше ранета откако во неа беше пукано со огнено оружје.
Исто така се пукаше и во с.Моране, каде што беше повредено едно лице.
Дополнително, над 20 сообраќајќи со повредени и прегазени се случија по улиците на нашите градoви.
Во Скопје, беа прегазени жена и дете.
Сообраќајни несреќи со повредени имаше и во Битола, каде исто така беше прегазена жена, а во Кавадарци беа повредени 4 лица, но и во Штип, Тетово, Гостивар, Македонска Каменица, Скопје.
Безбедноста на граѓаните не е на нај високо ниво.
Безбедносниот системот целосно потфрли. Превенцијата која што е директна надлежност на МВР и Панче Тошковски затаи. Контролите ги нема.
Има само последици, тешки и недозволиви.
Затоа СДСМ бара: оставки и одговорност од раководството на МВР на чело во Панче Тошковски.
Граѓаните мора да се чувствуваат сигурно на улиците, децата мора да растат во безбедна средина, а институциите мора да бидат во служба на народот.
