Според податоците на Државниот завод за статистика, во 2024 година, звањето доктор на науки го стекнале 215 лица, што претставува зголемување за 23.6 % во споредба со 2023 година.
Најголем број од лицата, 22.4 %, докторирале во областите здравство и социјална заштита, потоа 16.7 % уметност и хуманистички науки, следат бизнис, администрација и право со 14.4%, општествени науки, новинарство и информирање со 11.6 %, а останатите области се со помал процент на застапеност.
Од вкупниот број лица што докторирале во текот на 2024 година, 106 или 49.3 % од нив се жени.
Пораснал бројот на магистри и специјалисти
Според податоците на Државниот завод за статистика, во 2024 година звањето магистер на науки и специјалист го стекнале вкупно 1 846 лица, од кои 1550 или 84 % се магистри и 296 или 16 % се специјалисти. Бројот на магистри и специјалисти, во споредба со 2023 година, е зголемен за 0.9 %.
Учеството на жените магистри во вкупниот број лица што стекнале научен степен магистер на науки во 2024 година е 61.6 %.
Во 2024 година, најголем број од магистерските трудови, 644 или 41.5 %, се од областа на бизнисот, администрацијата и правото, 19.8 % се од областа на инженерството, производството и градежништвото, по што следат општествените науки со 12.6 %, а останатиот дел од областите се со помал процент на застапеност.
