Ивон Величковски на социјалните мрежи во опширна објава се осврна на случувањата во дискотеката во Кочани, вклучително и на преземените мерки по трагедијата.
Според него, сите институции имаат потфрлено како за процедурата за проверка дали „Пулс“ исполнувала услови, а така и подоцна додека се презмаат дејствија за расчистување на случајот.
„Од моментот кога „Пулс“ станала „дискотека“ во 2012 до кобното неделно утро на 16 март:
– во МВР (министрите, преку началниците на полицијата и противпожарната заштита, под нивна надлежност),
– општината (и сега притворените градоначалници),
– МТ (министрите, преку началниците на подрачната единица назначени од нив),
– УЈП и ДПИ (нивните директори, преку подрачните раководители назначени од нив)…
… сите овие институции (на локално или национално ниво) потфрлиле во проверката (на исполнувањето на побаруваните стандарди за отворање и работење) на „дискотеката“.
Од пристапност на противпожарни возила во ваков случај се до бројот на присутни лица кобната вечер и присуството на малолетни лица во објектот“ пишува тој.
Потоа, Величковски го проширува опфатот на одговорност.
„За „Пулс“ да добие лиценца, морало да добие мислења и дозволи по кои на крај добива лиценца од Министерството за економија, врз основа на мислењата и дозволите од органите на управата. И морал да функционира во правниот и финансискиот промет од 2012 наваму – што значи да биде контролиран и инспектиран.
„Прво, овој документ е фалсификат, лиценца нема. Правен документ објектот нема од пред повеќе од една година, овој документ е фалсификат. Дали ДПИ требало да излезе токму во оваа дискотека, тоа не го пишува никаде во законот…“ – ќе изјави премиерот на Прес-конференција по кочанската трагедија.
Дали од ова треба да заклучиме дека всушност еден од притворените, екс-министерот за економија Бектеши одговара за „лиценца“ што не постои? Некој го употребил неовластено неговиот потпис? Не е логично да се истражи кој всушност го издал лажниот документ?
За илустрација: имате автомобил што подолго не го користите и ви стои во гаража. Некој ви го украл, вие не знаете за тоа и крадецот направил сообраќајка со вашето возило. Кој е виновен за сообраќајката, сопственикот на украденото возило или тој што го украл и управувал возилото? Според мене – вториот“ вели Величковски.
ПОПУЛАРНО НА ИНТЕРНЕТ...
