Како што соопшти УХМР во текот на денешниот ден ќе се задржи променливо облачно и нестабилно време со локални врнежи од дожд и грмежи.
Според метеоролозите процесите ќе бидат поинтензивни во источните делови каде ќе бидат во форма на невреме со пообилен пороен дожд (20 l/m2), грмежи, силен ветер (над 60 km/h) и услови за изолирана појава на град.
Додека пак во текот на утрешниот ден и во сабота времето ќе биде стабилно и топло со засилен јужен ветер (над 60 km/h). Во недела локално, а во понеделник на повеќе места ќе биде нестабилно со пороен дожд и грмежи, краткотрајно во форма на невреме.
Во вторник се очекуваат локални врнежи од дожд, а на планините од снег. Ќе дува засилен северен ветер и дневните температури ќе опаднат за 7 до 10 степени.
