13. октомври 2025
Centar.mk – Вести, бизнис, забава, спорт…
СВЕТ

Макрон разговараше со Трамп и со Зеленски по собирот на европските лидери во Париз

Францускиот претседател Емануел Макрон изјави дека разговарал и со Доналд Трамп и со Володимир Зеленски за да ги информира за вчерашниот собир на европските лидери во Париз.

Лидерите на Обединетото Кралство и на Европската унија вчера се сретнаа на вонреден самит за Украина. Не се знае точно која била темата на разговор, но извештаите укажуваат дека земјите биле поделени околу тоа дали Европа ќе испрати мировни сили во Украина во случај на договор за прекин на огнот.

Макрон на социјалната мрежа Х доцна во понеделникот напиша дека мировниот договор „мора да биде придружен со силни и веродостојни безбедносни гаранции за Украинците“.

„Ќе работиме на ова заедно со сите Европејци, Американци и Украинци“, рече Макрон. „Тоа е клучот“.

Белата куќа го опиша разговорот со Макрон како пријателски, додека Зеленски рече дека се согласиле дека безбедносните гаранции за Украина мора да бидат „силни и сигурни“./Извор:Makfax

Можеби ќе ве интересира

Жестоки судири на авганистанско-пакистанска граница

C +

Трамп утре ќе се сретне со семејствата на заложниците кои ги држи палестинската милитантна група Хамас

C +

Израел ќе го насочи фокусот кон уништување на тунелите во Газа

C +
error: Соддржината е заштитена.