Обединетото Кралство мора да разговара со сириските лидери за да се осигура дека „она што следува е подобро“, рече британскиот премиер Кир Стармер по средбата на британските претставници со бунтовничката група која ја презеде власта во земјата.
Висок конзервативец изјави дека британскиот дипломатски контакт со забранетата сириска бунтовничка група Хајат Тахрир ал-Шам (ХТС) ризикува да и даде легитимитет на организацијата во Сирија по падот на претседателот Башар ал Асад.
Високи функционери се состанаа со водачот на ХТС Ахмад ал Шара, познат како Мохамед ал Голани, претходно оваа недела во сирискиот главен град Дамаск.
Стармер рече дека ситуацијата во Сирија „брзо се менува“, но дека падот на Асад е „добра работа“.
Сепак, тој предупреди да не се направи грешка да се „мисли дека она што следи ќе биде нужно поинакво и подобро“, одговарајќи на прашања од пратениците во парламентот.
„Нема да навлегувам во детали, но овие разговори мора да се одржат за да се осигураме дека, ако е можно, ќе имаме режим кој е во согласност со меѓународното право и кој ги штити правата на цивилите и малцинствата. Ова може да биде вистинска пресвртница за Сирија“, рече Стармер./Извор:Makfax
НАЈЧИТАНО НА ИНТЕРНЕТ...
