„Срцето на здравствениот систем се нашите доктори! Затоа предвидуваме мерки со кои ќе ги задржиме во Македонија, а ќе ги стимулираме оние кои заминале да се вратат назад“ рече носителот на листата во ИЕ4 од СДСМ и Коалицијата за европска иднина, Венко Филипче на централниот митинг во Скопје.
Тој додаде дека платите на докторите специјалисти ќе бидат до 180.000 денари, на општите доктори до 120.000 денари, а на медицинските сестри до 90.000 денари.
„Имаме визија за европско здравство во Македонија. Победа во изборната единица 4! Нема откажување од иднината“ рече Филипче.
