Претседателот Стево Пендаровски на граѓанскиот митинг во Кичево рече дека изминатите пет години беа тешки, со разни кризи, но дека направени се чекори кои се добро за државата и за нејзината иднина.
„Тука најмногу мислам на НАТО, кое по долги договори и преговори конечно го реши оваа политичка структура од која сум дел, ни една друга немаше храброст. Оваа политичка структура рече и по цена да изгубиме дел од рејтингот, мораме да го направиме тоа за иднината на нашите деца и подобар живот на следните генерации“ рече Пендаорвски.
Тој додаде дека Македонија денес е рамноправна членка на НАТО, организација во која членуваат 32 држави – најмоќните, најбогатите и најдемократските.
„Не бараме да одиме во организации на истокот или Азија, предводени од недемократии и деспоти. Ние сме европска држава, местото ни е тука и тој е патот – Америка и Западна Европа. Тоа се урнеците кои мора да ги следиме. Се друго е замајување на народот и враќање во неизвесна иднина, која ја нудат и во рамки на оваа кампања“ рече Пендаровски.
ПОПУЛАРНО НА ИНТЕРНЕТ...
