Според неофицијалните сознанија на истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пренесува Информер.
– Ден претходно и на денот на исчезнувањето на Данка Илиќ, од нејзиниот телефон се избришани многу пораки и повици. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци – рекол изворот.
Како што се дознава, пред исчезнувањето на Данка Илиќ, мајката го фотографирала детето три пати од различни агли.
Да потсетиме, мајката на Данка Илиќ, Ивана, денеска по четврти пат е повторно во полициската станица во Бор каде е на распит за околностите на исчезнувањето на нејзината ќерка.
Според информациите на српските медиуми, полицијата со неа ја проверува секоја информација што стигнува до полицијата во истрагата за исчезнувањето на нејзината ќерка.
Според неофицијални информации, полицијата во последните четири дена добила многу информации преку системот „Најди ме“, а секоја информација мора да биде проверена за да се најде Данка Илиќ.
Две специјалистички екипи за спасување од урнатините од Белград и Нови Сад, Одделот за вонредни состојби на МУП, синоќа пристигнале во Бањско поле и рано утринава започнале детално пребарување на просторот околу куќата пред која исчезна Данка.
Според новинарите на „Блиц“, пред куќата во која утрово исчезна девојчето биле паркирани два камиони, а кон неа се упатиле два полициски автомобили со белградски регистерски таблички.
