„Можам да кажам дека кандидатот на СДСМ и коалицијата, Стево Пендаровски заслужува и ќе го добие следниот мандат. Тој обединува, има свој личен интегритет и навистина одлично ја менаџира функција. Тоа мора да го покаже и повтори во следниот мандат“ рече заменик-претседателката на СДСМ, Сања Лукаревска за ТВ Стар.
Таа додаде дека Пендаровски не покажал никакви двојби и не ги дели граѓаните по еден или друг основ, но што е најбитно тој е присутен во промоцијата на европската агенда, која е заштитен знак на СДСМ и коалицијата и секој што ѝ мисли добро на државата.
„Очекувам претседателските избори да покажат дека СДСМ го има избрано најдоброто и сето тоа ќе се преслика и на парламентарните избори“ рече Лукаревска.
Заменик-претседателката на СДСМ и носителката на ИЕ3 рече дека резултатот од првиот круг на претседателските избори ќе биде ветер во грб за секоја партија, како ќе се позиционира за вториот круг од изборите.
НАЈЧИТАНО НА ИНТЕРНЕТ...
