„СДСМ ја има најдобрата понуда и реален план за подобра македонска иднина во ЕУ, одиме на двојна победа на 8-ми мај“, напиша во објава на Фејсбук потпретседателката на СДСМ Бисера Костадиновска- Стојчевска.
Таа додаде дека дадената поддршка и доверба од делегатите на 28-от Конгрес на СДСМ и од лидерот Димитар Ковачевски да биде коносителка на победничката листа за пратеници во изборна единица 5 е голема чест, одговорност и поттик да продолжи да работи за развој на македонското општество, за интересите на граѓаните и европската иднина на младите.
„Досегашните постигнати резултати, посветеноста и успесите нѐ прават фаворити на овие избори. СДСМ останува единствена опција која има јасна визија и сериозна изборна програма за економски раст, стабилност и европски живот за сите граѓани“, потенцираше Костадиновска-Стојчевска.
„Благодарам и за поддршката од моите сопартијци и симпатизери на СДСМ со кои заедно на парламентарните и претседателските избори ќе донесеме уште една победа на политиките кои нудат подобро утре и повеќе за сите. Подобро може да биде и ќе биде само ако продолжиме на патот кон ЕУ! Нема откажување од иднината!“, заклучи Костадиновска-Стојчевска.
