Според новинарот Фуркан Салиу, на снимката се гледа кога и како девојката дошла во селото Бразда, и точното време кога било запалено возилото. Низ оваа прометна улица околу 7 часот и 55 минути поминува автомобил, додека околу 9 часот и 37 минути возилото било опожарено.
Автомобилот е снимен како брза кон селото Бразда, во моментот кога се наоѓал во Визбегово, кое е оддалечено околу 15 минути од местото каде што е пронајдено телото на Вања. Не се знае дали во возилото биле киднапираните Вања, Љупче или некој од останатите осомничени.
На видеото се гледа дека во „цитроенот“ имало возач и сопатник, со црни капи, но и дека задниот дел од возилото изгледа празен, иако се гледа нешто што наликува на бела торба.
Камерата која е поставена на приватен имот покажува како прво поминува возилото Рено Канго, а потоа украдениот Цитроен.
