Радикалните десничарски идеологии имаат тенденција да бидат авторитарни по природа, промовирајќи строго придржување кон одреден збир на вредности. Оваа нетолеранција кон спротивставените мислења или алтернативниот начин на живот може да се манифестира во насилни дејствија против согледаните закани за воспоставениот поредок, се вели во анализата објавена на „Рацин.мк“.
Одбраната на „традиционалните вредности“ како што ги замислиле овие групи најчесто е „само на хартија“. Може да видиме дека статистички, најголем процент на лица кои извршиле семејно насилство се од радикална десничарска провиненција, која во основа силно ги промовира семејните вредности, се вели во анализата. Двојното убиство кое ја потресе земјава само го потврдува тоа дека радикалната десница промовира нетолеранција и создава атмосфера за насилство, комплетно игнорирајќи ги тие „традиционални вредности“.
Многу лидери на радикалната десница напредуваат на популистичката реторика која ги оцрнува воспоставените институции, означувајќи ги како корумпирани или заговорнички. Ова намерно предизвикување ерозија на довербата во демократските процеси создава атмосфера каде што насилството се гледа како средство за исправање на согледаните неправди.
И токму тука лежи клучното поврзување на насилството и десницата која, како во светот така и кај нас, дрматично се радикализира. Во овој контекст, Бразил беше сведок на подемот на Жаир Болсонаро, чиј анти-естаблишмент дискурс придонесе за зголемување на насилството, вклучително и против еколошките активисти во Амазон, пишува во анализата на „Рацин.мк“.
