Пензиите за месец октомври ќе бидат исплатени најдоцна до 1 ноември – среда, согласно динамиката која ја утврди Владата.
Сепак некои од банките во Македонија пензијата ја исплаќаат односно ставаат на располагање на картичките на пензионерите и ден два пред рокот.
Од минатиот месец пензијата беше зголемена за 5,3 проценти, а следниот март ќе има и ново зголемување.
Пензиите од сега ќе растат 2 пати годишно.
Со оглед на тешката ситуација на пензионерите во земјава поради инфлацијата, државата во најскоро време ќе излезе со пакет мерки за помош на пензионерите и други социјални категории на граѓани тешки над 70 милиони евра.
