„Малку е некоректно и неблагодарно да коментирам статистики за 2022 година коишто биле во мандат на мојатата претходничка директорка. Јас ве убедувам дека до Нова година ќе бидат скоро шест месеци како сум јас директор – едно полугодие, ќе видите дека во тие шест месеци ќе има зголемен број на заплени и зголемен приход којшто царината го остварува во буџетот на државата. Политички е некоректно да се коментира за претходно“, истакна директорот на царинската управа Стефан Богоев во интервју на ТВ24.
Тој додаде дека не бил бил на оваа позиција доколку работите биле добри и лесни.
„Јас дојдов на таа позиција за да средам одредени состојби, да ставам посериозен акцент на борбата против корупција и криминал. Штом сум дошол на осум месеци пред избори знаете дека сум дошол со некаква цел, интенција и задача да испорачам одредени резултати побрзо“, заклучи Богоев.
