„Со Јужна Кореја градиме нова економска историја. При посетите таму разговаравме дека по Ковид, може да се направи доближување на вредносните ланци. Корејските компании се присутни во Европа, но нивното производство е во далечниот исток, што се покажа како проблематично во Ковид“ рече вицепремиерот за економски прашања Фатмир Битиќи во „24 анализа“ на ТВ24.
Тој додаде дека ние не целиме на финални производи, бидејќи за тоа треба висококвалификувана работна сила, но се цели на пренесување на дел од производството во Македонија.
„Веќе сме во добри разговори со Hyundai и LG да ги донесат истражувачките центри. Вообичаено тие носат подобро платени места и поквалификувана работна сила. Имавме состанок со претседателот Стево Пендаровски во Њујорк со претседателот на Јужна Кореја“ рече Битиќи.
Вицепремиерот додаде дека постои голем интерес за соработка и инвестиции и дека во следните денови ќе се потпише меморандум со цел да се отвори просторот за меѓувладина соработка, но и на компании и компании и влади со компании.
